Главная » 2010 » Сентябрь » 9 » Флаг и герб Джавахка

---

01:45 Флаг и герб Джавахка

Ջավախքի խորհրդանիշերը (սիմվոլիկան) Վերջին տարիներին Ջավախքի հանդեպ ուշադրության աճին զուգընթաց ավելացավ Ջավախքը խորհրդանշող օբյեկտների, Ջավախքի սիմվոլիկայի անհրաժեշտությունը: Եթե մինչ վերջին տարիները Ջավախքի մասին որեւե գիրք կամ հոդված կարող էր ուղեկցվել Ջավախքի բնությունը կամ եկեղեցիները պատկերող լուսանկարներով, ապա այժմ արդեն Ջավախքն արտացոլվում է հասարակական-քաղաքական կազմակերպությունների, կայքերի լոգոտիպերում, սպորտային կամ մշակութային խմբերի դրոշներում, համազգեստներում եւ այլն: Այս խնդիրները չեն կարող լուծվել լուսանկարներով. անհրաժեշտ են Ջավախքը խորհրդանշող լայնօրեն ճանաչելի սիմվոլներ: Քանի որ նախապես չի կարելի կանխատեսել, թէ այս կամ այն կազմակերպությունը ապագայում ինչ ֆորմատով կօգտագործի Ջավախքի խորհրդանիշերը (լոգոտիպ, գերբ, նշան, կնիք, դրոշ, համազգեստ, հիմն եւ այլն), ներկա խորհրդանիշերը պատրաստված են ամենակիրառական երեք ձեւերով. դրոշ, զինանշան եւ հիմն: Զինանշանը առկա է երկու տարբերակներով. նոր՝ "Ջավախք” եւ դասական՝ "Ջաւախք” ուղղագրություններով: Խորհրդանիշերը կարող են ազատօրեն օգտագործվել Ջավախքի հետ կապված բոլոր կազմակերպությունների կողմից հետեւյալ պայմաններով. - Խորհրդանիշերը չեն կարող օգտագործվել Ջավախքի հետ ուղղակիօրեն չառընչվող նախագծերում: - Խորհրդանիշերը չեն կարող օգտագործվել ձեւափոխված, խեղաթյուրված տեսքով: Միակ մակագրությունը, որ թույլատրելի է զիանշանի վրա "Ջավախք” ("Ջաւախք”) բառն է: Եթե զինանշանը օգտագործվում է լոգոտիպի մեջ, ապա այն պիտի անփոփոխ մնա, իսկ լոգոտիպի այլ գրաֆիկական օբյեկտները կարող են տեղադրվել միայն զինանշանի հարակից տարածում: - Խորհրդանիշերը չեն կարող օգտագործվել ծայրահեղական գաղափարներ, ազգամիջյան, կրոնական, սոցիալական ատելություն տարածող նյութերում: Բոլոր ֆայլերը կարելի է ներբեռնել այստեղից. http://rapidshare.com/files/417444578/Javakhk_Symbols.zip Ֆայլերի նկարագրությունը եւ օգտագործման ոլորտները թվարկված են ստորեւ: Ջավախքի խորհրդանիշերի քննարկումը Ջավախքի խորհրդանիշների՝ դրոշի, զինանշանի եւ հիմնի ներկա քննարկումը սկսվել է 2006 թ. հոկտեմբերից: Ինտերնեթում այն ընթացել է Ջավախքի ֆորումում եւ մի շարք այլ ֆորումներում եւ կայքերում http://javakhk.net/forum/index.php?showtopic=422 Քննարկմանը մասնակցել են նաեւ Ջավախքով զբաղվող ճանաչված հասարակական գործիչներ: Միայն Ջավախքի ֆորումում այս ընթացքում թեման կարդացվել է ավելի քան 150.000 անգամ, եւ կատարվել է ավելի քան 300 տարրաբնույթ դիտողություն: Ջավախքի դրոշի, զինանշանի եւ հիմնի տարբերակները ի մի են բերում այդ քննարկման նյութերը: Հիմնական սկզբունքներ Ջավախքի խորհրդանիշերը ներկայացնում են երկրամասի բնաշխարհը, մշակույթը, պատմությունը: Խորհրդանիշերը հիմնականում արտացոլում են Քրիստոնեական արժեքներ, միաժամանակ պարունակելով նաեւ նախաքրիստոնեական շրջանի սիմվոլներ: Օգտագործված պատկերները ներկայացնում են թվարկված բնագավառներից յուրաքանչյուրի ամենատիպական ներկայացուցչիչներին (բնաշխարհը ներկայացված է Աբուլով եւ Փարվանայով, պատմությունը եւ Քրիստոնեությունը ներկայացված են Բագրատունիների զինանշանով, Սուրբ Նշանով եւ այլն): Խորհրդանիշերի գույներն են կարմիր, կապույտ, ծիրանագույն, սպիտակ գույները հետեւյալ կոդերով. 16-անիշ կոդ՝ կարմիր - #FF0000; կապույտ - #0000FF; ծիրանագույն - #FF9900 սպիտակ - #FFFFFF: CMYK կոդ՝ կարմիր – 0%, 100%, 85%, 0%; կապույտ - 100%, 75%, 0%, 0%; ծիրանագույն - 0%, 50%, 100%, 0%; սպիտակ - 0%, 0%, 0%, 0%: Ջավախքի դրոշը Որպես Ջավախքի դրոշի նախատիպ ընտրված է հայկական խաչքարի ուրվագիծը՝ ուղղանկյուն մակերեսին մեծ խաչի պատկերը: Խաչքարը ընտրված է որպես Ջավախքի էության սիմվոլ հատկապես այն պատճառով, որ Ջավախքը խաչքարի առաջացման ու զարգացման օջախներից է: Կապույտ խաչը եզրագծված է սպիտակով եւ գտնվում է կարմիր-ծիրանագույն ֆոնի վրա: Խաչի օգտագործումը դրոշի պատկերում շահեկան է նաեւ մեր երկրամասը օտարներին ներկայացնելու տեսանկյունից, քանի որ միանգամից շեշտվում է քրիստոնյա ազգ լինելու հանգամանքը. դրոշը տեսնողը արդեն իսկ նախնական տպավորություն է ստանում Ջավախքի մասին: Դրոշի կողմերի հարաբերակցությունն է 1 x 2: Դրոշի կարմիր, կապույտ (ուղղահայաց եւ հորիզոնական) եւ ծիրանագույն շերտերից յուրաքանչյուրի լայնությունը հավասար է դրոշի բարձրության 30%: Սպիտակ (ուղղահայաց եւ հորիզոնական) շերտերից յուրաքանչյուրի լայնությունը հավասար է դրոշի բարձրության 5%: Ուղղահայաց կապույտ շերտի միջնագծի հեռավորությունը դրոշի ձախ եզրից հավասար է դրոշի լայնության 35%: Ջավախքի զինանշանը Զինանշանի հիմքն է դիմահայաց նայող արծվի պատկերը՝ մեկը Բագրատունիների զինանշաններից: Բագրատունիների արծիվը ընտրված է որպես Ջավախքի տարածքում երբեւե իշխած ամենահայտնի տոհմի՝ Հայասանում եւ Վրաստանում անգերագնահատելի պատմական դեր խաղացած Բագրատունիների հարստության խորհրդանիշ: Արծվի կրծքին տեղակայված է վահան, որը ներկայացնում է Ջավախքի բնաշխարհը. Փարվանա լիճը Աբուլ լեռան ֆոնի վրա: Աբուլը պատկերված է Ախալքալաքի կողմից դիտված եւ ձյունածածկ է, ինչը խորհրդանշում է Ջավախքի սառնաշունչ բնությունը: Վահանի կենտրոնում պատկերված է եկեղեցի Սուրբ Նշանի ուրվագծով: Ռուսական Կայսրության շրջանի Ախալքալաքի եւ Ախալցխայի զինանշանների կենտրոններում այդ քաղաքների բերդերի պատկերներն էին: Այս զինանշանում դրանք փոխարինվել են Սուրբ Նշանով: Եկեղեցու երկու կողմերում երկու խաչեր են, որոնք խորհրդանշում են Վերին Ջավախքը (Ախալքալաք-Փարվանա-Ծալկա) եւ Ներքին Ջավախքը (Ախալցխա-Ասպինձա): Վահանի երկու կողմերում գրքեր եւ ցորենի հասկեր են, որոնք խորհրդանշում են կրթությունը, մշակույթը, արվեստը եւ աշխատանքը, շեշտելով Ջավախքի մեծ ներդրումը մշակույթի, գրականության ու արվեստի մեջ: Դրանցից վեր երկու կողմերում հավերժության նշաններն են: Արծիվը ճանկերով պատռում է շղթան, որը խորհրդանշում է թէ՝ ընդհանրապես պայքարը բռնության դեմ, եւ թէ՝ Ջավախքի աշխարհաքաղաքական դիրքը (պատռում է թուրանական շղթան): Ջավախքի հիմնը Ջավախքի հիմնն է աշուղ Ալիք-Ջավախքի"Գովք Ջավախքի” երգը: Երգի ձայնագրությունը առկա է այստեղ. http://javakhkmusic.com/JM_audio_database/Aliq/Alik%20Kspoian,%20Park%20kez%20Javakhk,%20(vocal%20A.%20Kspoian).mp3 Երգի տեքստը. Գովք Ջավախքի Դու հնագույն երկիր քաջի, Փառքի, բախտի իմ օրրան, Աբուլդ՝ արքա քո Ջավախքի, Երկիր դու իմ հայրենի։ Կրկներգ. Փառք քեզ Ջավախք, բախտ քեզ, Ջավախք, Դարեր անցար ահավոր Քայլիր Ջավախք, փայլիր Ջավախք, Դարեր ապրիր փառավոր։ Քո Փարվանան՝ լույս թագուհի, Շուրթին՝ խոսքը Տերյանի, Սեր է երգել կույր Հավասին, Որ իմացողը ա՜խ կանի։ Կրկներգ։ Քաջ ու հզոր դու իմ Ջավախք, Հանճարների դու երկիր, Քո հանճարեղ մեծ Ջիվանին Նոր խոսք ասաց աշխարհին։ Կրկներգ։ Բայց ամենամեծ հանճարդ Ժողովուրդդ է քո հանճարեղ, Բարի, համեստ ու մարդասեր, Քաջ ու հզոր, հյուրասեր։ Կրկներգ։ Տարածե'ք Ջավախքի խորհրդանիշերը Նախապես շնորհակալ ենք բորոր նրանց, ովքեր կտարածեն ու կմասսայականացնեն Ջավախքի խորհրդանիշերը: Այս խորհրդանիշերը հրապարակվում են Ջավախքի համար դժվար մի պահի՝ 2010թ. հայկական դպրոցներում հայերենի դասաժամերի կրճատումից հետո: Առաջին տարին չէ, որ ճակատագիրը փորձություններ է պատրաստում Ջավախքի համար, սակայն մենք հավատում ենք, որ այս փորձությունները նախաշեմն են ապագայի ավելի ուժեղ ու անսասան Ջավախքի. "Ձախորդ օրերը ձմռան նման կուգան ու կերթան”: 2010թ., Ախալքալաք Կից ֆայլեր Բոլոր ֆայլերը կարելի է ներբեռնել այստեղից. http://rapidshare.com/files/417444578/Javakhk_Symbols.zip Հետեւյալ ֆայլերով զինանշանը, դրոշը եւ հիմնը տրված են ինտերնեթի, տպագրության եւ աուդիոձայնագրման համար անհրաժեշտ ֆորմատներով: Դրոշը. Տպագրության համար՝ Javakhk_Flag_CMYK_large.tif Ինտերնեթի համար՝ Javakhk_Flag_HEX_medium.jpg Javakhk_Flag_HEX_small.jpg Զինանշանը. Տպագրության համար՝ Javakhk_Gerb_CMYK_large.tif Javakhk_Gerb_CMYK_large_classic.tif (տարբերակ դասական "Ջաւախք” ուղղագրությամբ) Ինտերնեթի համար՝ Javakhk_Gerb_HEX_medium.jpg Javakhk_Gerb_HEX_medium_classic.jpg ("Ջաւախք”) Javakhk_Gerb_HEX_small.jpg Javakhk_Gerb_HEX_small_classic.jpg ("Ջաւախք”) Word, EMF եւ PDF ֆայլեր Ջավախքի սեւ/սպիտակ զինանշանով բլանկներ պատրաստելու համար Javakhk_forumular.doc Javakhk_forumular_classic.doc ("Ջաւախք”) Javakhk_Gerb_Black-White.emf Javakhk_Gerb_Black-White_classic.emf ("Ջաւախք”) Javakhk_forumular.pdf Javakhk_forumular_classic.pdf ("Ջաւախք”) Հիմնը Հիմնը առկա է mp3 ֆորմատով՝ Javakhk_Anthem.mp3 *** Տես նաեւ. Ջավախքի սիմվոլիկայով հուշանվերներ http://javakhk.livejournal.com/182550.html Ջավախքի թեմատիկ ավատարների հավաքածու http://javakhk.livejournal.com/182874.html

1 2 3 4 5 Просмотров: 1645 | Добавил: Armen_hay | Теги: Джавахк, новости, общество | Рейтинг: 0.0/0

Всего комментариев: 0